CUF YATAKA SERIKALI YA MPITO KULITIBU TAIFA KATIKA MARIDHIANO YA KWELI

 CUF – Chama Cha Wananchi kinatoa tamko rasmi la kisiasa kuhusu hitaji la kuanzisha Serikali ya Mpito ya Kitaifa nchini Tanzania.

‎ Nchi imeingia katika mkwamo wa kikatiba, kisiasa na kidemokrasia kutokana na migogoro ya uchaguzi na kudhoofika kwa taasisi huru.

Katiba ya sasa ya Tanzania haitambui au kuruhusu kuundwa kwa Serikali ya Mpito, hivyo marekebisho ya Katiba yanahitajika ili kuhalalisha muundo huo.

‎ Marekebisho ya Katiba yataweka msingi wa kikatiba wa Serikali ya Mpito, muda wake, mamlaka na mipaka yake, na mahusiano yake na mihimili mingine ya dola.

‎ CUF inasisitiza kuwa Tanzania inahitaji suluhisho la kitaifa, si la kichama, na inapendekeza Serikali ya Mpito kama daraja la maridhiano, haki na mageuzi ya kweli.

‎ Majukumu ya Serikali ya Mpito ni pamoja na kusimamia marekebisho ya Katiba na sheria, kuhakikisha demokrasia, haki za binadamu, na utawala wa sheria.

‎Serikali ya Mpito itarekebisha sheria za uchaguzi, vyama vya siasa, na uendeshaji wa taasisi huru, na kuweka masharti mapya ya kisheria kwa Tume ya Uchaguzi.

‎ Serikali ya Mpito lazima iwe ya muda maalum, ijumuishwe vyama vyote vya siasa na makundi ya kijamii, na viongozi wake wasitumie nafasi hizo kugombea madaraka baada ya mpito.

‎CUF inaamini Tanzania imefika mahali pa kuchagua kati ya kuendeleza mkwamo wa kisiasa au kufungua ukurasa mpya wa maridhiano na haki.

‎ CUF inapendekeza kuanzishwa kwa Serikali ya Mpito ya Kitaifa yenye muda maalum, itakayoshughulikia Katiba Mpya, mageuzi ya uchaguzi na maandalizi ya uchaguzi huru na wa haki.

‎